Спас районында Идел ярларын җыештыру
Татарстан Республикасының Биологик ресурслар буенча дәүләт комитеты белгечләре, “Спас” дәүләт тыюлыгы хезмәткәрләре МурзакЛюбовь һәм Костин Евгений, “ТР Спас муниципаль районы традицияләрендә һәм тарихында бердәмлекне үстерүгә ярдәм итү һәм үстерү” җирле җәмгыять рәисе Марянин Валерий, Спас районы мәгариф бүлеге укытучысы Журавлев Сергей белән берлектә “Чиста яр” акциясенә кушылды. Әлеге чарага Татарстан Республикасы Спас муниципаль районының Балымеры авылы, Полянка һәм Тәнки гомуми белем бирү мәктәпләре, спорт мәктәбе укучылары һәм җирле халык җәлеп ителде.
Активистлар көче белән Спас районы Балымеры авылы районында Идел елгасының яр буйлары төрле чүп-чардан (пластик, пыяла, тимер банкалар, төрле пакетлар һәм башка каты көнкүреш калдыклары)чистартылды, 3 кв.километр мәйданда 30дан артык зур капчык чүп-чар җыелды.
Чара ахырында “Спас” җәмгыяте көче белән, пылау, баллы әйберләр һәм самавырда кайнаткан чәй куеп, саф һавада чәй эчү оештырылды.
